Zindagi K Raston Par

November 14, 2010

Zindagi k raston par
Un-ginnat musaafir hain
Apni apni khaahish ko
Manzilen samajhtay hain
Khaahishon k chakar main
Manzilen badaltay hain
Raastay bhataktay hain
Bay nishaan martay hain                         Zindagi k raston par
Har koi adhoora hay
Har koi akelaa hay
Ishq or mohabat kaa
Khel sub ne khelaa hay
Faaslay simmat jaain
Raastay ye kat jaain
Har kisi ne chaahaa hay
Jo bhe jis ko pyaaraa hay
Har kisi ne haaraa hay
Zindagi k raston kaa
Main bhe ik musaafir hoon
Dard k jazeeron kaa
Ik udaas shaair hoon
Manzilon say dartaa hoon
Raaston pay martaa hoon
Zindagi k raston par
Qasadan bhatakta hoon
Pur-amaan raston ko
Jaan kar badalta hoon

0 comments: